Фондот за здравствено осигурување на Република Северна Македонија ги информира здравствените установи дека започнува со подготвителните активности за преговори и договарање на буџетите, односно утврдување на договорениот надоместок за обезбедување здравствени услуги за 2027 година.
За навремено и непречено спроведување на овој процес, потребно е здравствените установи да ја достават соодветната документација, согласно објавеното известување и предвидените обрасци.
Известувањето за потребната документација, заедно со сите обрасци, е достапно на следниот линк:
https://fzo.org.mk/zdravstvo/
Барањето за утврдување на договорениот надоместок, заедно со потребните прилози, верифицирано од страна на директорот на јавната здравствена установа, се доставува во архивата на Фондот, со назнака „За Сектор за финансиски прашања“.
Истовремено, барањето со прилозите се доставува и во електронска форма на адресата dogovori@fzo.org.mk.
При електронското доставување, во насловот на пораката потребно е да биде наведено името на здравствената установа, а во содржината да бидат назначени лицето за контакт, телефонскиот број и електронската адреса.
Крајниот рок за доставување на потребната документација е 2 ноември 2026 година.
Фондот ги повикува здравствените установи навремено да ги исполнат предвидените обврски, со цел ефикасно спроведување на постапката за преговори и договарање на буџетите за 2027 година.