Deklaratë – Pagat në shëndetësinë publike

Të nderuar përfaqësues të mediave,

Në publik po krijohen perceptime se autoritetet kundërshtojnë rritjen e pagës minimale. Megjithatë, shembulli i shëndetësisë tregon qartë se autoritetet shëndetësore jo vetëm që nuk janë pengesë, por e mbështesin në mënyrë aktive rritjen e pagave në shëndetësinë publike.

Paga më e ulët bazë në shëndetësinë publike në vitin 2025 është 27.158 denarë neto dhe në raport me vitin 2023 shënon rritje nominale prej 22,2%, ndërsa rritja reale është 13,4%. Kjo do të thotë se rritja e kësaj page është për aq më e lartë se inflacioni në të njëjtën periudhë. Paga më e ulët në shëndetësinë publike është 11,4% më e lartë se paga minimale në shtet.

Paga bazë neto për infermierët me arsim të mesëm profesional (AMP), në përputhje me marrëveshjen kolektive të degës, në vitin 2025 është 31.934 denarë. Në raport me vitin 2023, rritja nominale është 24,5%, ndërsa rritja reale është 15,6%.

Paga mesatare neto në shëndetësi, sipas të dhënave të Entit Shtetëror të Statistikës, në vitin 2025 është 50.327 denarë. Në raport me vitin 2023, rritja nominale është 15,8%, ndërsa rritja reale është 7,5%. Në vitin 2025, kjo pagë është rreth 9,5% më e lartë se paga mesatare neto në ekonominë e përgjithshme të vendit.

Këto të dhëna tregojnë qartë se pagat në shëndetësi nuk rriten vetëm nominalisht, por edhe realisht.

Me marrëveshjen e arritur me sindikatat përfaqësuese, në mars 2026 parashihet rritje shtesë e pagave në shëndetësinë publike prej të paktën 5%, në përputhje me marrëveshjen e vitit 2025 e cila parasheh rritje të pagave nga 5 deri në 7 përqind.

Ekziston përkushtim i qartë dhe i vazhdueshëm për vlerësimin e duhur të punës së punonjësve shëndetësorë.

Në shtojcë është deklarata e drejtorit të Fondit të Sigurimit Shëndetësor, z. Sasho Klekovski, si përgjigje ndaj pyetjes së gazetarëve.