Njoftim në lidhje me kërkesën për udhëzim për shërim jashtë vendit për të siguruarin L.I.

Aktvendimet për realizimin e të drejtave nga sigurimi i detyrueshëm shëndetësor të personave të siguruar, Fondi i Sigurimit Shëndetësor i Republikës së Maqedonisë së Veriut i miraton në pajtim me dispozitat ligjore dhe rregulloret.
 
Kërkesa e personit të siguruar B.I. nga Shkupi, për fëmijën e tij L.I., për udhëzim për shërim jashtë vendit, u refuzua si e pabazuar, sepse nuk bëhet fjalë për udhëzim për shërim jashtë vendit, por për kryerjen e shërbimit shëndetësor rehabilitim mjekësor, si shërim spitalor i vazhduar. 
Rehabilitimin mjekësor, si shërim spitalor i vazhduar, Fondi e siguron në institucionet shëndetësore në Republikën e Maqedonisë së Veriut me të cilat ka lidhur marrëveshje dhe të njëjtin mund ta shfrytëzojnë të gjithë të siguruarit e Fondit.

Sipas Ligjit për Sigurimin Shëndetësor, personi i siguruar mund të shfrytëzojë shërim spitalor jashtë vendit me miratimin e Fondit, vetëm nëse bëhet fjalë për sëmundje që nuk mund të trajtohet në shtet, ndërsa mundësia për shërim të suksesshëm të asaj sëmundjeje ekziston në vendin në të cilin udhëzohet i siguruari. 
Në të njëjtat kushte shfrytëzohen edhe shërbime shëndetësore për ekzaminime kontrolluese që kanë të bëjnë me shërimin spitalor tashmë të kryer jashtë vendit, të miratuar nga Fondi, e të cilat nuk mund të kryhen në Republikën e Maqedonisë së Veriut.

Sipas dispozitave të Rregullores për mënyrën e shfrytëzimit të shërimit spitalor të personave të siguruar jashtë vendit, personi i siguruar të cilit konsiliumi klinik i Klinikës përkatëse Universitare në Shkup i ka lëshuar propozim për udhëzim për shërim jashtë vendit, me qëllim zbatimin e rehabilitimit të specializuar mjekësor, siç është në rastin konkret - nuk ka të drejtë për kompensim të shpenzimeve në barrë të Fondit. 
Sipas gjithë kësaj, vendimin për të siguruarin L.I., Fondi dhe komisionet mjekësore e miratuan në pajtim me dispozitat ligjore të lartpërmendura. 

Me respekt,
FSSHRMV