Навремени исплати и достапни услуги за пациентите

Фондот за здравствено осигурување денес информира дека исплатите за породилно отсуство и капитацијата за матичните лекари се реализираат редовно и во законски рокови.

Во последните пет месеци исплатени се над 1,8 милијарди денари за породилни надоместоци.
Исплатата на капитацијата за ноември е во тек – 493 милиони денари, со активни над 2.000 договори во примарната здравствена заштита.

Анализите за тумор-маркери се достапни во повеќе градови. До октомври годинава извршени се 238.744 тестови, од кои најмногу PSA, CEA, CA 19-9, CA-125 и CA 15-3.

Фондот продолжува со одговорни, навремени и транспарентни исплати и унапредување на здравствените услуги — за подобро здравје на сите граѓани.