Konferencë për shtyp e drejtorëve të FSSHM-së

Fondi i Sigurimit Shëndetësor i Maqedonisë vazhdon të promovojë shërbime të reja elektronike, në kuadër të muajit shkurt, i cili është shpallur muaj i shërbimeve elektronike. Sot, Fondi në portalin e tij promovon tre shërbime të reja elektronike, për realizimin e së drejtës për rehabilitim të specializuar mjekësor, kërkesë për rimbursim të shpenzimeve të udhëtimit dhe rimbursim të mjeteve ortopedike. Këto të drejta garantohen në bazë të ligjit dhe prej tani personat tanë të siguruar do të kenë mundësi t’i marrin ato në mënyrë më të thjeshtë, më të shpejtë dhe më efikase në rrugë elektronike.