Fjalim i drejtorit të FSSHM-së, dr. Sasho Stefanoski, me rastin e shënimit të Ditës ndërkombëtare të shëndetit, 7 prill

Të nderuar mysafirë të respektuar,
Të nderuara zonja dhe zotërinj,
Të nderuar përfaqësues të mediave,
Është nder i veçantë për mua të marr pjesë në këtë ngjarje, e cila ka për qëllim të rrisë ndërgjegjësimin publik për rëndësinë e shëndetit. Kujdesi për shëndetin në të gjitha fazat e jetës është e drejtë themelore e të gjithëve, dhe jo privilegj i disave. Shëndeti i mirë është themel për stabilitet ekonomik dhe social. Ai është çelësi për uljen e varfërisë dhe për zhvillimin e qëndrueshëm. Por, më e rëndësishmja nga të gjitha është se shëndeti i mirë nuk mund të shihet si përfitim vetëm i një sektori, por shëndeti është rezultat i angazhimit në të gjitha segmentet e shoqërisë.