Përgënjeshtrim i njoftimit të PLD-së

Fondi i Sigurimit Shëndetësor i Maqedonisë i hedh poshtë kategorikisht akuzat e Partisë Liberal-Demokrate lidhur me mungesën e barnave me recetë në Maqedoni. Është për të ardhur keq që një parti politike, në vend që të merret me projekte dhe ide, merret me gënjeshtra dhe manipulime të opinionit publik. Qytetarët e R. Maqedonisë e mbajnë mend mirë periudhën kur ata ishin në pushtet dhe kur duhej të porosisnin barna me telefon e pastaj të prisnin 2 javë në rastin më të mirë, për t’i marrë ato.