Kërkesa elektronike për lirim dhe rimbursim të participimit, si dhe lëshim të formularëve dygjuhësh për shfrytëzimin e shërbimeve shëndetësore jashtë vendit

Fondi i Sigurimit Shëndetësor i Maqedonisë vazhdon të promovojë shërbime të reja elektronike, në kuadër të muajit shkurt, i cili është shpallur muaj i shërbimeve elektronike. Sot, Fondi në portalin e tij promovon tre shërbime të reja elektronike për të drejtat që garantohen në bazë të ligjit për personat tanë të siguruar, të cilat deri më tani ishin të disponueshme vetëm në formë letre, ndërsa prej tani do të mund t’i marrin ato në mënyrë më të thjeshtë, më të shpejtë dhe më efikase në rrugë elektronike përmes shërbimeve të reja elektronike që po i promovojmë sot.