Lehtësim për mjekët amë - më pak burokraci për kujdes shëndetësor parandalues më efikas

Fondi i Sigurimit Shëndetësor së bashku me Shoqatën e Mjekëve Privatë të Maqedonisë informon për softuerin e ri me të cilin do ta avancojmë dhe lehtësojmë punën e mjekëve amë, ndërsa ka të bëjë me fushën e parandalimit që ata tashmë e zbatojnë. Në marrëveshje me Fondin e Shëndetësisë, mjekët amë të praktikës së përgjithshme kanë detyrim të zbatojnë masa dhe aktivitete për parandalimin dhe zbulimin e hershëm të tre sëmundjeve më të shpeshta jongjitëse në Republikën e Maqedonisë - sëmundjet kardiovaskulare, diabetin dhe sëmundjet nefrologjike. Këto masa parandaluese zbatohen te 1.3 milionë persona të siguruar të moshës 14-65 vjeç.