Aksion për dhurimin e gjakut në FSSHM

Madje 20 për qind nga gjithsej 800 të punësuar në Fondin e Sigurimit Shëndetësor të Maqedonisë sot u përfshinë në aksionin për dhurimin e gjakut “Shpëtoni jetë, dhuroni gjak”, i cili është organizuar në bashkëpunim me Institutin e Mjekësisë Transfuzive dhe Kryqin e Kuq. Aksioni për dhurimin e gjakut është me iniciativë të drejtoreshës së Fondit, mr. Maja Parnardzhieva Zmejkova, e cila edhe vetë dhuroi lëngun që do të thotë jetë.