Fondi miratoi Rregullore të re për fekondimin e asistuar biomjekësor
E njoftojmë publikun se Fondi miratoi Rregullore të re për kriteret për lidhjen e kontratave dhe mënyrën e pagesës dhe procedurën për realizimin e të drejtës dhe të shërbimeve shëndetësore për fekondim të asistuar biomjekësor në institucionet shëndetësore që kryejnë kujdes shëndetësor specialistik-konsultativ (Gazeta Zyrtare e RMV-së nr.5/2024), me të cilën rregullohen të drejtat dhe detyrimet e institucioneve shëndetësore dhe të Fondit, si dhe të drejtat e personave të siguruar për realizimin e procedurës së FAB-së në ngarkim të mjeteve të Fondit
Në Rregullore është përcaktuar procedura për parashtrimin e dokumentacionit për FAB, si dhe dokumentacioni i nevojshëm që duhet ta sigurojë personi i siguruar.
Në pjesën për dokumentacionin e nevojshëm, në pika të veçanta është përcaktuar dokumentacioni mjekësor për gruan, burrin
për të dy partnerët, për gruan me zotësi afariste, si dhe dokumentacioni i nevojshëm për realizimin e të drejtës për FAB me material të krioprezervuar
dhe bartës gestacional.
Krahas dokumentacionit mjekësor, është theksuar edhe dokumentacioni administrativ i nevojshëm për fillimin e procedurës për FAB.
Në varësi të dokumentacionit mjekësor dhe mendimit profesional, janë përcaktuar 5 Protokolle të reja, përkatësisht:
- Protokoll standard për FAB – Formulari 1.1
- Protokoll për FAB me qeliza vezore të krioprezervuara (të veta ose donatore) – Formulari 1.2
- Protokoll për FAB me spermatozoide të krioprezervuara (të veta ose donatore) – Formulari 1.3
- Protokoll për FAB me transferim embrioni të embrioneve të krioprezervuara (të veta ose donatore) – Formulari 1.4
- Protokoll për FAB me bartës gestacional – Formulari 1.5
Për secilin Protokoll, Fondi ka përcaktuar më shumë paketa me çmim referent.